Ni ngombwa kwiyambura inarijye yose

Kwamamaza

agakiza

Ni ngombwa kwiyambura inarijye yose


Yanditswe na: Ubwanditsi     2021-11-30 04:35:48


Ni ngombwa kwiyambura inarijye yose

Nta wabasha kwiyambura inarijye ngo abishobore.Tugomba kwisunga Kristo Yesu ngo adukorere uwo murimo, ni bwo imvugo y’umunyabyaha izaba iyi ngo” Twara umutima wanjye, kuko no kuwukwegurira binanira. Ntunganya, nzahura ungeze ku butungane no ku rugero rwo kwera k’umutima wanjye.

Uko kwitanga si ukw’igihe umuntu utangiye imibereho ya Gikristo gusa. Intambwe yose ateye agomba kwivugurura, kugira ngo tugire amahoro ni uko twahora dupfa ku cyaha, kandi tukisunga Kristo Yesu muri byose.

Uko turushaho kwegera Kristo Yesu tukabona ubutungane bw’ingeso ze, ni ko turushaho kwibonamo ko turi abanyabyaha, maze bigatuma tutishyira hejuru. Abazwi mu i Juru ko ari abera nibo baba aba nyuma mu kwamamaza ubwiza bwabo!

Ntibiyamamaza, intumwa Petero ntiyibagiwe ikimwaro giteye ubwoba yagize. Icyaha cye yari yarakibabariwe, ariko yari azi yuko intege nke z’ingeso ze zatunganywa n’ubuntu bwa Kristo Yesu gusa.

Uko dutera intambwe mu bukristo bwacu, ni ko turushaho kwihana. Abo Uwiteka Imana yababariye akaba abita abe, ntibazahangara kubumbura iminwa yabo bihimbaza. Kristo Yesu ni we utugize nta wundi. “Abaroma 7:18

"Nuko abo nkunda, nk’uko iteka ryose mwajyaga mwumvira uretse igihe mpari gusa, ahubwo cyane cyane ntahari, mube ari ko musohoza agakiza kanyu mutinya, muhinda imishyitsi, kuko Imana ari yo ibatera gukunda no gukora ibyo yishimira." Abafilipi 2:12;13

Ntugire ubwoba ko Imana itazasohoza amasezerano yayo, cyangwa se ko imbabazi zayo zitaguhagije. Ahubwo utinye gucisha ukubiri n’ubushake bwa Kristo Yesu, wirinde ingeso za kamere zatwara ubugingo bwawe. Tinya gukora ibyo wishakiye bitarimo Imana, kuko uzaba urogoye Imana ngo itagukoreramo ibyo ishaka.

Ahubwo utinye gukura ikiganza cyawe mu cya Kristo Yesu, cyangwa se kugendera mu nzira wishakiye utarikumwe na we. Twirinde kuryarya tuvuga cyangwa se tuvugwa bitari byo. Satani akoresha uburyarya kuregana no gucira abantu iteka. Reka abakorera Kristo Yesu bose birinde ijambo ryose cyangwa igikorwa cyose cyo kwihimbaza ubwabo, Kristo Yesu gusa ni we ukwiye ikuzo.

Imibereho yubaha Uwiteka ntizaba imibereho y’umubabaro. Ahubwo iyo umuntu adafite Kristo Yesu ni bwo ahora acuze igihuya amanjiriwe. Abiyemera bakikunda ntibigera bakenera kugira ubumwe na Kristo Yesu. Umutima utarahura n’igitare (Kristo Yesu), wirata imbaraga zawo. Kwikunda no gushaka icyubahiro byirukana Umukiza mu mutima, kandi iyo atawurimo umuntu ahorana agahinda n’umubababaro. Ariko iyo Kristo Yesu ari mu mutima amera nk’iriba rivubura amazi afuse ahesha umuntu umunezero.

"Nimwumve uko Iyo iri hejuru cyane, ituye ahahoraho ivuga, izina ryayo ni Uwera ikavuga iti"Aho ntuye ni hejuru kandi harera. Mbana n’ufite umutima umenetse wicisha bugufi, kugira ngo mpembure imyuka y’abicisha bugufi, mpembure n’abafite imitima imenetse." Yesaya 57:15

Iyo umunyabyaha yegereye umusaraba akicisha bugufi imbere yawo, ahinduka icyaremwe gishya muri Kristo Yesu. Aba atunganye. Imana ubwayo” Itsindishiriza uwizeye Yesu.” Abaroma 8:30. Nk’uko icyaha kigusha umuntu ahakomeye atabasha kwivana, ni ko n’urukundo rw’Imana Data rwaducunguye rushobora kugeza abantu ku rugero rwo hejuru cyane, ku buryo buzasumba ndetse n’abamarayika batigeze bacumura. Luka 14:11

Source: Igitabo” Imigani ya Kristo”

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?